| Atropellu a los vecinos de La Fontana.
Nel barriu de La Fontana queden ya pocos vecinos,pero los que están merecen un respetu y que naide se ría de ellos.
Nestos días pasaos entamose allí una obra de rehabilitación de casa antigüa que dará llugar a dos nueves viviendes,lo cual ye perbueno pal pueblu,que non fae falta tantes nueves construcciones sino rehabilitar un pocu les ya existentes.
Pero claro,sin pasase de listos,porque quien ta faciendo la obra de La Fontana tomó a los vecinos del barriu pol pitu el serenu y tiró pa arriba col teyau de manera que ahora hailos que ya no ven desde sus ventanes la punta el muro,y,señores míos,ésto ye ilegal además de un atropellu.El promotor consigue así que en la planta de arriba se pueda caminar de pie,con la consiguiente revalorización del inmueble a la hora vendelu,que de xuru ye pa éso.El teyau tien que tener la altura que tenía,porque hay más vecinos que desde sus cases yeren felices mirando a los sos fíos o nietos bañase o pescar en muelle desde la ventanuca,colos prismáticos,admirando quien taba de paseo,o qué lanches llegaben a puertu...y ahora que ficieron esi teyau,non se ve nada de aquello.Subieron polo menos 20 cm.y entovía falta poner les teyes,que quitarán otros 5 ó 10 cm.Total,que con suerte se verá la playa L'Espasa...
La cosa pasará a manos de la oficina técnica del ayuntamientu,a ver de qué manera se arregla esta situación,que indigna a unos pocos,pocos,pero que no vamos a dexanos pisar. |