| Equí atropé delles pallabres que se dicíen en pueblu cuantayá y que conséñense nel llibru “Folklore del mar” de Braulio Vigón, escritu en Colunga nel 1899. Pueque dalguién recuerde dalgunes, yo la verdá ye que enxamás hube oíles.
Roidoiru: ruíu de les foles que rompen na oriella
Xarabinos: Remolinos de mar que faen los vientos fuertes
Batanga: Palu o mástil de la vela
Empicar: izar, subir la vela
Corrientes a la pregona: corrientes al este
Haber Punta de marea. Empezar a subir la mar
Agua gorda: la mayor subida de la marea
Zorra: la mayor de les foles en una serie de 9
La pregona: alta mar
Haber pendangues: cubrise el cielu con nubes negres
Garatuxa: les primeres nubes de tormenta
Ábregu: vientu sur
Vientu al Xove: vientu suroeste
Vientu a la barra. vientu suroeste. Cuarto al oeste (nun se que quier decir eso)
Vientu Mareru: vientu entre norte y noroeste
Vientu foranu: vientu norte noroeste
Viento de Caín: vientu del oeste
Caín: bruma
Cainada: bruma
Oreos: bruma de mar que nel horizonte forma figures paecíes a barcos
Ardor del agua: fosforescencies de la mar
Compás: brúxula
Compaña: tripulación de una lancha
Quiñón: cada una de las tres partes en que se divide la ganancia de la pesca.
Cuartón del cura: cuarta parte de un quiñón con que se-y pagaba al cura los “servicios espirituales”
Agua pregona: agua que llega a la playa revuelta con ocle. Ye habitual en marzo y anuncia falta de pesca.
Agua derrota: agua clara.
Agua trona: agua turbia
Salú |